O Lugo Sala incorpora a Alberto Gutiérrez «Guti» para reforzar a portería
O novo porteiro de 19 anos e natural de Ciudad Real, chega a Lugo para reforzar a portería e axudar ao Lugo Sala no que resta de tempada.
Á súa curta idade logrou o ascenso a División de Honra Xuvenil sendo cadete, o que lle permitiu chegar ao equipo senior no seu primeiro ano como xuvenil no conxunto de Valverde del Majano (Segovia).
Durante os dous últimos anos da súa etapa xuvenil, defendeu a portería da Unión Deportiva Las Rozas en División de Honra Xuvenil, desempeñándose como porteiro titular. A tempada pasada, foi peza crave pa alzarse co título de liga, e lograr así a clasificación para a Copa de España e o Campionato de España Xuvenil.
«Guti» chega procedente da Unión África Ceutí, para poñerse canto antes aos mandos de Fermín Hidalgo e axudar así ao equipo. Un porteiro que destaca polos seus reflexos rápidos, a súa boa lectura táctica do xogo e a súa gran capacidade de liderado baixo paus, ademais do seu notable dominio do xogo cos pés e nas saídas en situacións dun contra un.
O Lugo Sala aproveita así os últimos días de fichaxes para reforzar ao equipo, e loitar polo obxeitvo no que resta de tempada.
