A Terceira! O Lugo Sala Automóviles M. Losada firma o ascenso tras vencer a Os Meigallos FS (4-2)
O Lugo Sala Automóviles M. Losada xa é equipo de Terceira División. O conxunto de Álvaro Julio selou o ascenso cunha vitoria de carácter por 4-2 ante Os Meigallos FS, nun partido vibrante onde tivo que remontar e demostrar personalidade para lograr o ansiado obxectivo.
O encontro arrincou con emoción desde o primeiro minuto. Pablito adiantou ao conxunto lucense no minuto 10, pero a alegría durou pouco: Gonzalo Cerviño empatou un minuto máis tarde poñendo as táboas no marcador antes do descanso.
Nada máis comezar a segunda metade, Gonzalo Cerviño volveu marcar dándolle momentaneamente a vantaxe aos visitantes. Oito minutos despois Tai apareceu no minuto para devolver a igualdade (2-2) e levantar ao Municipal. A partir de aí, Lugo Sala apropiouse do partido. Dani puxo o 3-2 no 32’, e xa na recta final, Pablito sentenciou co 4-2 definitivo (min. 39).
Con este resultado, o Lugo Sala Automóviles M. Losada logra o ansiado ascenso de categoría, pechando unha tempada marcada polo esforzo, o talento e a evolución constante. Este paso adiante representa un importante avance na estrutura do club, que contará a próxima tempada co primeiro equipo en Segunda División B e o filial competindo na Terceira División nacional.
Resultados del playoff de ascenso a Tercera División
FICHA DO PARTIDO:
ADC Lugo Sala Automóviles M. Losada 4: Nico, Pablito, Raúl, Mitxel e Necho – cinco inicial – Mujín, Yago Núñez, Álex, Dani, Tai, Javi e Yago Tenreiro.
Os Meigallos FS 2: Ángel, Ruben, Gonzalo Cerviño, Borja Lopez e Jonathan – cinco inicial – Saul, Miguel, Saul Fernandez, Brais, Fabian, Rene e Alejandro.
Goles: 1-0 Pablito min.10, 1-1 Gonzalo Cerviño min.11, 1-2 Gonzalo Cerviño min.20, 2-2, Tai min.28, 3-2 min.32 e 4-2 Pablito min.39.
Árbitros: Diego Gonzalez Pontevedra, Javier Roldan Perez e Andrea Gonzalez Pontevedra.
Incidencias: Final do playoff de ascenso a Terceira División – partido celebrado no Palacio Municipal dos Deportes de Lugo.
