Adriá Blat convocado con Andorra para a mainround da Euro 2026

O novo xogador do noso club Adriá Blat Vidal, que recalou nas filas lucenses hai pouco máis de dúas semanas, estará concentrado coa selección absoluta do seu país para a disputa dos partidos que Andorra xogará este sábado 1 e o mércores 5 de febreiro ante a selección de Países Baixos, primeiramente na localidade holandesa de Hertogenbosch e posteriormente en Andorra la Vella.

Estes partidos corresponden á main round da Eurocopa do 2026 na que Andorra busca clasificarse para a rolda elite e así ter opcións logo de clasificación para a fase final do torneo continental.

Por este motivo o xogador andorrano será baixa para o partido da 17ª xornada de liga en 2ª división que Lugo Sala disputará este sábado desde as 17:00 horas na pista do UD Ibiza Gasifred Ciutat D’Eivissa FS.