Rubén Santana convértese no cuarto reforzo para Lugo Sala

/en , /por

O persoal do Lugo Sala 2025/2026 segue collendo forma e confirmadas xa varias baixas e renovacións, hoxe chega a cuarta das caras novas que chegarán para reforzar ao equipo. Trátase do ala Rubén Santana Armas, xogador canario (04/08/2005 – Gran Canaria) formado desde a categoría cadete no Costa Magán e no cal compaxinou o seu equipo xuvenil co  primeiro equipo na 2ª división B.

Santana, que cumprirá en pouco máis dun mes 20 anos, destaca pola súa mocidade pero ao mesmo tempo pola experiencia acumulada xa que nas dúas últimas tempadas xogou no Club Doctoral da 2ª B do grupo canario co cal disputou a fase de ascenso a 2ª división. Habitual da selección canaria de fútbol sala nas súas categorías inferiores, o novo xogador dos lucenses destaca polo seu bo 1×1 así como polo seu compromiso co equipo e a boa chegada a portería contraria.

 

Lugo Sala 2025/2026:

  • Baixas: Álex Diz, Álvaro, Guillermo Martínez, Raúl, Saúl e Iván Gemes.
  • Renovacións: Yerai, Yago Tenreiro, Mitxel, Pablito e Willy May.
  • Altas: Isi (Atlético Benavente), José Segura (Enfaf Construccions Modernes), Xavito (Enfaf Construccions Modernes) e Rubén Santa (Club Doctoral).