Willy May pecha o capítulo de fichaxes

Lugo Sala conta cun novo xogador para as filas do primeiro equipo. Trátase do pívot destro Willy May Herrera (19/10/1992 – Cartaxena – Colombia) e que procede do Widzew Lozd co que competiu na pasada tempada na Ekstraklasa (primeira división de Polonia). O colombiano chega á entidade lucense para reforzar ao equipo nunha fichaxe no que o club levaba traballando durante as últimas semanas ata pechar todos os trámites administrativos tanto no seu país de orixe como en España.

Willy May xa puido ver en directo aos seus novos compañeiros na estrea ligueira do pasado sábado na segunda división xa que o colombiano chegou a Lugo na mañá do venres. O pívot de 31 anos achegará experiencia e gol ao equipo e trátase dun xogador que chega para sumar xunto ao resto dos seus compañeiros para cumprir os obxectivos expostos. Os seus bos números da pasada campaña aválano como un xogador competitivo e agora só queda que se poida axustar canto antes ao xogo do equipo e así poder debutar se Guillermo Martínez considérao oportuno na segunda xornada ligueira na visita á pista do Málaga Ciudad Redonda FS desta próxima fin de semana.